O pasado 22 de novembro celebramos o Pleno Infantil de Nigrán, esta vez o alumnado dos diferentes colexios da nosa localidade expuxeron as súas inquedanzas e suxerencias ante o propio rexedor e a concelleira de Educación, centrándose no DEREITO A PARTICIPACIÓN INFANTIL E XUVENIL.
O Consello de Participación Infantil e Xuvenil do Concello de Nigrán acudíu un ano máis ao Parlamento Galego no marco do XII Foro de Participación Infantil que lidera Unicef e que reuníu a rapazada de toda a Comunidade. Unha representación do Concello composta por unha decena de nenos e nenas voluntarios estivo en Santiago acompañada polo alcalde, Juan González, e as concelleiras/os de Educación, Igualdade, Servizos Sociais e Cultura, Estela Pérez, Patricia Diego, Bibiana Peixoto e Roberto Garrido. Este ano, Unicef pon o foco da súa campaña polo 20-N , Día Mundial da Infancia, no dereito á participación infantil e adolescente, e por iso os representantes de Nigrán adicaron o discurso a este tema, apelando a responsabilidade política neste asunto.
“A participación tamén debe ser amigable. Referímonos a que os espazos das reunións deben estar adaptados a nós, os representantes políticos teñen que ir a estes espazos de vez en cando, o formato das reunións deben axustarse as nosas idades, aos nosos horarios e a linguaxe ten que ser comprensible. A participación é amigable nos vosos concellos?”, preguntou no Parlamento Galit Mroz, alumna do CEIP Carlos Casares e representante do Consello que actuou como voceira. Asimesmo, Galit recordou aos asistentes que a participación debe ser sempre voluntaria e, polo tanto, non obrigatoria, e debe ser respetuosa no sentido de “poder expresar libremente as opinións”.
.jpeg)
.jpg)
.jpeg)
O Concello de Nigrán estreou esta semana con ‘Graffiti e deseño de camisetas personalizadas ’ os campamentos creativos de verán escollidos ...
.jpeg)