RENOVACIÓN DO CONSELLO MUNICIPAL DA INFANCIA DE NIGRÁN

O Concello de Nigrán estreou o 29 de febreiro un Consello Municipal da Infancia renovado tras elixir o alumnado dos centros educativos do municipio a cadanseu voceiro para os vindeiros dous anos. A concelleira de Educación, Estela Pérez Pérez, xunto á concelleira de Igualdade, Patricia Diego, e o alcalde de Nigrán, Juan González, deron a benvida no Salón de Plenos as novas nenas, nenos e adolescentes que se sumarán ao grupo (14 en total dos que repiten 2). 

Este primeiro encontro servíu para que se coñecesen entre eles e explicarlles polo míudo o seu traballo, que se visibilizará moi próximamente no pleno infantil anual. As reunións do Consello terán lugar cada 15 días e terán como obxectivo que a xente nova do Concello poida participar activamente na vida pública, ofrecendo a súas visións, inquedanzas e propostas ao goberno local para que as cuestións que lles afectan, respondan as súas verdadeiras necesidades e facendo cumplir deste xeito o seu dereito a ser escoitados e tidos en conta.

XI Foro Infantil Unicef - PARLAMENTO DE GALICIA

    Un grupo de representantes do Consello de Participación Infantil e Xuvenil do Concello de Nigrán acudíu un ano máis ao Parlamento Galego no marco do XI Foro de Participación Infantil xunto a rapazada dunha ducia de municipios de toda a Comunidade.

    No marco do Día Mundial da Infancia e da Convención dos Dereitos do Neno, a rapazada de Nigrán participou un ano máis no ‘XI Foro Infantil Unicef’ celebrado no Parlamento de Galicia. Nunha sesión plenaria protagonizada por representantes de Consellos de Participación Infantil e Xuvenil de 12 municipios de toda Galicia, a rapazada reflexionou sobre a protección e a prevención da violencia. 

    Por parte de Nigrán acudiron 9 nenos e nenas membros do Consellos de Participación Infantil e Xuvenil acompañados do rexedor e a edil de Educación, Estela Pérez, actuando Martín Rey (IES Val Miñor) como voceiro. El foi o encargado de expor as vivencias do 'III Encontro Galego de Consellos Locais de Participación Infantil e Adolescente' celebrado o 18 e 19 de novembro na Residencia de Tempo Libre de Carballiño. Ali, coa axuda do ilustrador Leandro Lamas, realizaron un cuadro colaborativo co que agasallaron ao Parlamento.

O CONCELLO DE NIGRÁN PARTICIPOU EN CARBALLIÑO NUN ENCONTRO GALEGO DE CONSELLOS DE PARTICIPACIÓN INFANTIL E ADOLESCENTE

    O Concello de Nigrán estivo presente a pasada fin de semana no Carballiño no 'III Encontro Galego de Consellos Locais de Participación Infantil e Adolescente'. Estela Pérez, a nova edil de Educación, acudiu con 4 dos 14 representantes do Consello de Participación Infantil e Xuvenil de Nigrán, en concreto, con Carmen Vázquez Molares e Marcos Soto García (CEIP Humberto Juanes) e Martín Rey Álvarez e Cayetana Guede Bernárdez (IES Val Miñor) para participar en dúas xornadas de convivencia previas á celebración do 'Día Mundial da Infancia'.

    Durante os dous días na Residencia de Ocio e Tempo Libre desta localidade ourensana elaboraron xunto a outros 50 nenos e nenas de toda Galicia o manifesto que lerán no Parlamento galego o día 28 de Novembro, encadrado na celebración do Día Mundial da Infancia do vindeiro luns 20. Ademais, participaron en actividades lúdicas e educativas entre as que destaca o obradoiro do ilustrador Leandro Lamas no que realizaron un cadro colaborativo no que plasma os dereitos máis importantes da infancia.

NIGRÁN NO CONSELLO AUTONÓMICO DE INFANCIA E ADOLESCENCIA

Xa está constituído o Consello Autonómico de Infancia e Adolescencia, con 30 rapaces de diferentes Concellos de toda Galicia e Nigrán contará con voz propia nese Consello!

Martín Rey, integrante do Consello da Infancia e Adolescencia de Nigrán foi seleccionado para formar parte deste órgano que procura xerar un novo espazo para que nenos, nenas e mocidade poidan expresarse, propoñer ideas e formar parte activa da toma de decisións en temáticas que lles afectan. 

I PLAN DE INFANCIA E ADOLESCENCIA DE NIGRÁN.

Despois de tres anos de moito, moito traballo, foi aprobado por unanimidade do pleno o I PLAN DE INFANCIA E ADOLESCENCIA DE NIGRÁN. Trátase dun documento elaborado, sobre todo, grazas ao traballo e ao compromiso dos nenos e nenas de Nigrán a través dos seus representantes no Consello de Participación.  

GRAZAS! 

DOCUMENTO DIAGNÓSTICO

I PLAN DE INFANCIA E ADOLESCENIA

SEGUNDO PLENO DA INFANCIA

O Concello de Nigrán acolleu este venres un pleno extraordinario dirixido polos nenos e nenas do municipio a través do Consello municipal de Participación Infantil e Xuvenil. Este foi o acto central da vila coincidindo co aniversario o domingo, 20 de novembro, do Día Mundial da Infancia, nunha semana na que, ademais, 10 membros do Consello acudiron ao Parlamento de Galicia acompañados polo alcalde e os concelleiros. de Educación, Igualdade e Servizos Sociais para participar tamén nunha sesión similar con representantes do concello de 11 concellos de toda a comunidade.

A vintena de nenos e nenas dos diferentes centros educativos da vila, expuxeron as súas inquedanzas ao alcalde, aos concelleiros de Educación e Servizos Sociais, á portavoz das Anpas e á cidadanía.

As peticións dos mozos centráronse na súa preocupación polo medio ambiente e a saúde mental. Neste sentido, propuxeron que nos centros educativos os baños estean sen identificación de xénero e que exista unha figura de coordinador de Benestar para previr o acoso escolar.

Así mesmo, incluíron peticións como unha maior flexibilidade á hora de conceder bolsas (no sentido de que se prioriza o esforzo e non só o resultado numérico da avaliación), límites drásticos ao consumo de auga por persoa, subas de impostos para os máis ricos ou promover espazos para a mocidade. e nenos.

 

A VOZ DOS NENOS E NENAS DE NIGRÁN NO PARLMENTO GALEGO

Onte, no Parlamento Galego, escoitouse a voz dos nenos e nenas de Nigrán, xunto a outros 11 concellos galegos. Non podemos estar máis orgullosos deste Consello de Participación da Infancia e Adolescencia de Nigrán. Temos que escoitar máis aos nenos e nenas, teñen moito que dicir e que aportar