O CONCELLO DE NIGRÁN CONMEMORA O 25-N COA LECTURA DUN MANIFESTO DA 'XERACIÓN XA!' E O PRIMEIRO CONSELLO MUNICIPAL DA MULLER

 O Concello de Nigrán culminou onte a programación especial polo 25-N, ‘Día Internacional para a erradicación da violencia contra as mulleres’, coa lectura dun manifesto esta mañá e a constitución do primeiro Consello Municipal da Muller pola tarde no Salón de Plenos.

Así, o 25 de novembro arrancou ao mediodía na Praza do Concello coa proclama dun manifesto a cargo da 'Xeración Xa!', o órgano de participación infantil e xuvenil do Concello de Nigrán, con tres voceiros que adicaron o seu discurso ás vítimas de violencia vicaria. "Queremos medrar nun mundo onde o amor non fira, onde o coidado sexa forza, onde a vida sexa segura, tamén dentro da casa", expresaron antes de finalizar co berro '"Nin unha menos!". Ao rematar, xunto aos representantes da corporación municipal, alumnado de 6º de Primaria do CEIP Humberto Juanes e do CEE Juan María gardaron un minuto de silencio por todas as vítimas de violencia de xénero.

A conmemoración polo 25-N continuou a partir das 17:00 horas no Salón de Plenos coa constitución do 'Consello Municipal da Muller', novo órgano de carácter informativo e consultivo donde participaron dous representantes de Xeración Xa, Uxía e José como voceiros.  

DIA DA INANCIA EN NIGRÁN- O CONCELLO DE NIGRÁN CELEBRA CUN PLENO INFANTIL O DÍA MUNDIAL DOS DEREITOS DO NENO E A NENA E VISITA O PARLAMENTO DE GALICIA

    

    O Concello de Nigrán celebrou o pasado 20 de novembro, o 'Día Mundial da Infancia' cunha sesión plenaria especial protagonizada polos nenos e nenas do noso municipio e cos seus dereitos dixitais como eixo temático deste ano. Así, un total de 18 alumnos procedentes de 8 centros educativos (IES Proval, IES Val Miñor, CEIP da Cruz, Carlos Casares, Humberto Juanes, CPI Arquitecto Palacios, Ángel de la Guarda e CEE Juan María) actuaron como 'concelleiros' da localidade co alcalde, Juan González, e a edil de Educación, Estela Pérez, como interlocutores por parte do goberno local.

Este foi o acto central do Concello coincidindo no día exacto da efeméride, mentres que o venres 21, unha representación de 7 membros da 'Xeración Xa!' acudiu xunto ao alcalde e a concelleira de Educación ao Parlamento de Galicia coa misión de participar nunha sesión similar con voceiros de consellos de toda a comunidade. Neste caso a voceira do noso concello foi Enma Touceda.

Este ano Unicef propuxo a todas as 'Cidades Amigas da Infancia' que para esta data os seus órganos de participación infantil reflexionasen baixo o lema 'Enciende tus derechos digitales'. Así, para esta sesión plenaria, dous voceiros por cada centro educativo expuxeron as súas inquedanzas e demandas ao respecto. Neste sentido, houbo consenso unánime entre eles en que as crianzas precisan recibir formación para poder navegar seguros por internet e tamén os seus proxenitores para entender como protexelos. Así, a súa maior preocupación centrouse na facilidade de acceso a contidos inapropiados, polo que demandaron mecanismos efectivos de control da idade e, por outra banda, tamén se amosaron moi intranquilos co engadido negativo que supoñen as redes sociais nos casos de 'bullying', polo que consideran necesaria a existencia dun educador especialista en cada centro educativo.

‘XERACIÓN XA!’ EXERCE DE ANFITRIOA DO ‘IV CONSELLO AUTONÓMICO DE CONSELLOS LOCAIS DA INFANCIA E ADOLESCENCIA’

    A ‘Xeración Xa!’ do Concello de Nigrán exerce por vez primeira de anfitrioa no ‘IV Consello Autonómico de Consellos Locais da Infancia e Adolescencia’ que se celebrou en outubro na Residencia de Tempo Libre de Patos a instancias de Unicef. 

    Así, cinco voceiros do órgano de participación infantil e xuvenil do municipio debatiron xunto a preto de 50 crianzas de toda Galicia sobre os seus dereitos dixitais, temática elixida este ano desde Unicef para este encontro bianual. Ademáis destes representantes de consellos de toda Galicia asistiron tamén mozos e mozas do Consello Autonómico de Infancia e Adolescencia (CAIA), órgano no que tamén figura Nigrán grazas a Cayetana Guede e Carmen Vázquez (IES Val Miñor).

    Durante todo o sábado e a mañá do domingo, todos xuntos traballaron na temática elixida participando en diferentes scape-rooms ao respecto (tamén gozaron de momentos de ocio e tempo libre, como o show do ilusionista Xulio Merino que se lles ofreceu desde o Concello). O último día, domingo ao mediodía, poideron presentar as súas conclusións ante o alcalde de Nigrán, representantes da Xunta e de Unicef.

ESTREAMOS OS CAMPUS CREATIVOS DE VERÁN DESEÑADOS POR ‘XERACIÓN XA!’ CON ‘GRAFFITI’

O Concello de Nigrán estreou esta semana con ‘Graffiti e deseño de camisetas personalizadas’ os campamentos creativos de verán escollidos polas crianzas de Nigrán a través do órgano municipal de participación infantil e xuvenil autonomeado como ''Xeración Xa!'. Deste xeito, unha ducia de cativos disfrutaron do luns ao xoves do curso impartido polo grafitero miñorano Seek Selff (Daniel Fernández) no Centro da Terceira Idade. 

A vindeira semana será ‘Introdución ao barro e creación libre’, con Nerea Vila (do 7 ao 10 de xullo); ‘Manga e cómic’, con Coral Martínez (do 14 ao 17 de xuño); ‘Alimentación, cociña e nutrición’, con Iria Otero e Ramón Moes; e, finalmente, ‘Guitarra’ con Gain Over. T todos son gratuítos, coas prazas xa completas (12), de luns a xoves e impartidos por profesionais da comarca.

A ‘Xeración Xa!’ apostou nas súas asambleas mensuais por organizar campus máis creativos ou artísticos que complementen aos deportivos que, tradicionalmente, xa ofrece o Concello xunto aos clubes do municipio.

‘XERACIÓN XA!’ DESEÑA OS CAMPAMENTOS CREATIVOS DE VERÁN DO CONCELLO DE NIGRÁN

Temos boas novas...

As crianzas de Nigrán asumiron este ano o reto de deseñar os plans de ocio infantil que, ata agora, programaba o Concello. Deste xeito, o órgano municipal de participación infantil e xuvenil autonomeado como ''Xeración Xa!', apostou nas súas asambleas mensuais por organizar campus máis creativos ou artísticos que complementen aos deportivos que, tradicionalmente, xa ofrece o Concello xunto aos clubes do municipio.

O resultado é que este ano, durante o mes de xullo e de de luns a xoves gratuítamente, o Concello ofrecerá no Centro da Terceira Idade da Ramallosa os campus de graffiti e camisetas personalizadas a cargo de Seek Selff; ‘Introdución ao barro e creación libre’, con Nerea Vila; ‘Manga e cómic’, con Coral Martínez; ‘Alimentación, cociña e nutrición’, con Iria Otero e Ramón Moes; e, finalmente, ‘Guitarra’ con Gain Over.

Dende a corporación municipal queremos subliñar, unha vez máis, o orgullo que supón “contar cunha infancia e adolescencia comprometida e participativa que permite ao Concello deseñar de verdade as políticias culturais, sociais ou medioambientais que eles mesmo deciden.

Cayetana e Carmen representarán a Nigrán no Consello Autonómico de Infancia e Adolescencia

Cayetana e Carmen recollen o testemuño de Martín e representarán a Nigrán no Consello Autonómico de Infancia e Adolescencia.

Nigrán reafirma o seu compromiso coa participación da infancia e adolescencia renovando a súa presenza no Consello Autonómico de Infancia e Adolescencia (CAIA), un espazo de diálogo e consulta promovido pola Xunta de Galicia. Nesta nova etapa, serán Cayetana e Carmen quen asuman a representación da mocidade nigranesa, tomando o relevo de Martín tras dous anos de implicación activa.

Este órgano busca dar voz ás nenas, nenos e adolescentes de toda Galicia, facilitando un entorno no que poidan expresar as súas opinións, propoñer ideas e participar na construción das políticas públicas que lles afectan. Forman parte do CAIA trinta mozas e mozos de distintos concellos con estruturas de participación, así como representantes de entidades que traballan coa infancia e profesionais do sistema galego de protección.

Na última sesión do Consello, as novas integrantes tiveron a oportunidade de coñecer e dialogar co director xeral de Familia, Infancia e Dinamización Demográfica, Jacobo Rey, e coa subdirectora xeral de Plans e Programas da Secretaría Xeral para o Deporte, Belia Méndez, quen presentaron iniciativas para potenciar a participación xuvenil tamén no ámbito deportivo.

Desde o Concello de Nigrán estamos moi orgullosos de poder contar cunha mocidade comprometida e participativa, e desexámoslles a Cayetana e Carmen unha etapa chea de aprendizaxes e experiencias enriquecedoras nesta nova responsabilidade.

SELO 'CIUDAD AMIGA DE LA INFANCIA'

O Concello de Nigrán xa se identifica co selo de 'Ciudad Amiga de la Infancia' outorgado por UNICEF España a finais do ano pasado. Deste xeito, o pasado 31 de marzo, as crianzas do órgano municipal de participación infantil e xuvenil nomeado como ''Xeración Xa!' inauguraron xunto ao alcalde, Juan González, a edil de Educación, Estela Pérez, e a delegada de Unicef en Pontevedra, Teresa Egerique, un totem identificativo fronte á Casa Consistorial, unha ubicación que as propias crianzas elixiron e unha sinaléctica que se debe instalar en cada municipio adherido a esta iniciativa.

Este recoñecemento ten vixencia ata 2028 e implica ter en conta dunha forma efectiva e medible as voces, necesidades e prioridades das crianzas a través das decisións políticas, polo que a figura da 'Xeración Xa!' resulta especialmente importante.